Khwaabon ka ek jahaan mujhe de gaya koi
mitti ka ek makaan mujhe de gaya koi
wo dil mein rehe gaya hai ya k dil de utar gaya
kitna ajab gumaan mujhe de gaya koi
sehra pe apnay ghar ka pata likh gaya tha wo
mitta howa nishaan mujhe de gaya koi
maah-o-najoom noch ke soraj bujha diya
phir sara asmaan mujhe de gaya koi
kishti mein chaid osne kia aur oske baad
kaaghaz ka baadbaan mujhe de gaya koi
osne gulaab haath mein le kar kaha batool
khushbu ka tarjumaan mujhe de gaya koi
No comments:
Post a Comment