Tere Mere Beech Zamana Parta Hai

tere mere beech zamana parta hai
dil ko kitni baar batana perta hai


thehar gayi hai baat muqadder per aa ker
khud ko ye aksar samjhana parta hai


sochon ko kab qaid koi ker paya hai
lekin khud ko tu samjhana parta hai


rasta ho dushwaar ya raahi anjaane
is jeevan ka saath nibhana to parta hai


khamoshi ke dasne ka dar ho jis dam
ayse mein khud shor machana parta hai


paas mere to sirf tumhari yaaden hai
yaadon se dil ko behlana parta hai.....!

Tujhse Milne Ki Saza Denge Tere Shehar Ke Log

tujhse milne ki saza denge tere shehar ke log

ye wafaon ka sila denge tere shehar ke log

kya khabar the tere milne pe qayamat hogi

mujhko deewana bana denge tere shehar ke log

teri nazaron se giraane ke liye jaan-e-haya

mujhko mujrim bhi bana denge tere shehar ke log

kehke dewana mujhe maar rahe hai patthar

aur kya iske siwa denge tere shehar ke log

Toota Zaroor Hoga Bicharnay K Baad Wo

toota zaroor hoga bicharnay k baad wo

tarpa zaroor hoga bicharnay k baad wo

kehta nhi kisi se magar jantay hai hum

roya zaroor hoga bicharnay k baad wo

raat k andheron main tanhion k beech

jaga to zaroor hoga wo bicharnay k baad

dehleez per puranay zamano ka muntazir

betha zaroor hoga bicharnay k baad wo

uthtey qadam humari taraf ruktay howay

uljha zaroor hoga bicharnay k bad wo

her zakham ka ilaaj maseehaai main nhi

samjha zaroor hoga bicharnay k baad wo

Woh Naam Tha Badal Gaya

woh naam tha badal gaya 

main shaam tha dhal gaya

woh nazer thi jhuk gaye

main thereer tha mit gaya

woh shaama thi pighal gaye

main parwana tha jal gaya

woh ashq tha behe gaya

main dard tha seh gaya

woh chand tha chup gaya

main badal tha baras gaya

woh toofan tha guzar gaya

main gulshan tha bikher gaya

Ye Manzilen Ye Raaste

ye manzilen ye raaste

meri har dua tere waaste

ye sakoon or ye beqaraar bhi

meri dosti tere waaste

kabhi gham na tere qareeb ho

tujhe har khushi naseeb ho

meri ilteja tere waaste

meri har dua tere waaste

meri har dua tere waaste