Masroof hai din raat usay waqt kahan hai
woh mujhse karay baat usay waqt kahan hai
betaabii-e-dil ka usay andaaza nhi hai
samjhe mere jazbaat usay waqt kahan hai
woh ponchhay meri aankh se behte huw aanso o ko
ae rang-e-barsaat usay waqt kahan hai
bhoolay se hi pochnay aajaye mera haal
ae gardish-e-haalaat usay waqt kahan hai
mojon mein tarapta huwa main doob raha hoon
thaame wo mera haath usay waqt kahan hai
No comments:
Post a Comment