tujhse milne ki saza denge tere shehar ke log
ye wafaon ka sila denge tere shehar ke log
kya khabar the tere milne pe qayamat hogi
mujhko deewana bana denge tere shehar ke log
teri nazaron se giraane ke liye jaan-e-haya
mujhko mujrim bhi bana denge tere shehar ke log
kehke dewana mujhe maar rahe hai patthar
aur kya iske siwa denge tere shehar ke log
No comments:
Post a Comment