Aaj likh kar dil ki sari kahani bhejoon ga,

Aaj likh kar dil ki sari kahani bhejoon ga,

Kaaghaz par sirf ab paani hi paani bhejoon ga,

Shayed ab wo mujhko na pehchaan sake, is liye 

apni koi tasveer purani bhejoon ga,

Khul jayen ge saare raste mehlon ke,

Ab ke aesi koi nishaani bhejoon ga,

Bhejoon ga main yaad ki chitthi tohfa bana kar

Aankhen, baarish, aur jawaani bhejoon ga,

Kesi kesi kasme khaayi thi us ne,

Aaj usko  khat me main yaadein purani  bhejoon ga....!

Ab to wafao se bhi mukar gaye hai hum

Ab to wafao se bhi mukar gaye hai hum
Ab to mohabbat se bhi dar gaye hai hum

Ab saharon ki baat mat karna Kashif
Ab to dilason se bhi bhar gaye hai hum

Jab bulate the zinda dil the hum
Ab na aao ke mar gaya hai hum

Kya bhala dhundhate ho seena-e-dil me
Ab to Jaan se bhi guzar gaye hai hum

Ab na wo pagalpan hai or na hi wo wehshat

Chot kha kar sgayad ab sudhar gaya hai hum....!

rukhsaar aesa jese tim'timaatey hai janab ke

rukhsaar aesa jese tim'timaatey hai janab ke

pehne hon ho jese chand ne ghngru gulaab ke

lekha hai tumhara naam bhi chahat ke khoon se 

aao warq dikhaye tumhe ham dil ki kitaab ke

itni pilaa de aaj ke ji bhar ke royen ham 

niklen hamari aankhon se aansu bhi sharaab ke

utraa woj is tarha se samandar ki goad me 

jitne bhanwar they so gaye ho pehlu me aap ke

didaar-e-yaar bhala kese ho aaj kal 

pehrey hai chaand se chehre pe naqaab ke

mil kar tamaam raat woh phir bhi na mili 

sawera bataa gaya k yeh dhokay they khaawb ke....!

ham bohat door nikal aye hai yu hi chalte chalye

ham bohat door nikal aye hai yu hi chalte chalye

ab theher jayen kahin shaam ke dhalte dhalte

ab gham-e-zeest se ghadraa ke kahan jayen ge ham

hamari to umar hi guzri hai is aag mein jalte jalte

raat ke baad sehar ho gi magar kis ke liye

ham hi shayed na rahen is raat ke dhalte dhalte 

roshni kam thi magar itna andhera to na tha

shama-e-umeed bhi gull ho gayi ab to jalte jalte

tooti deewar ka saaya bhi bohat hota hai 

paano jjal jayen agar dhoop mein chalte chalte

din abhi baaki hai kashif zara tez chalo 

kuch na soojhay ga tumhe sham ke dhalte dhalte ...!

hamare dil me phele howay jaalon se tu pareshaan na ho

Hamare dil me phele howay jaalon Se tu pareshaan na ho 

Hamare guzray Howay kuch saalon se tu pareshaan na ho 

Hamari aawaaz ki talkhi ko gawaara kar le hamare kuch gustaakh sawaalon se tu pareshaan na ho 

Hamne maana tumhari aankhain nahi khulti hai magar din ko nikalnay to de ujaalon se tu pareshaan na ho 

apni zulfon me utarti howi chaandni ko chhupa le hamare bikhray howay baalon se tu pareshaan na ho 

dekh k yu door na ho ham Ko ab laga le dil se yu hamari rooh k chhaalon se tu pareshaan na ho

Khud ko veeraan na kar hamare liye jaan hamare in pareshaan khayaalon se tu pareshaan na ho..!

zindagi ka har dhup chao me MAA k hone jesa kya ?

is ghar ki deheliz k andar ye medhe khuwab jesa kya ?
ye janmo janmo ka bandhan ye kuch kuch apne jesa kya ?

tu makhmal ka bistar le aa ya sang-e-mar mar ki diware 
MAA k anchal me aa kar befikri se sone jesa kya ?

zindagi ka har dhup chao me  MAA k hone jesa kya ?

nanhe nanhe pero se jab chalna bhi nahi aata tha 
MAA wo sab sunleti thi jo kehena bhi nahi aata tha 

mera rona sunkar kese bhagi dodi chali ati thi 
halki halki need me uski lori sunne jesa kya ?

zindagi ka har dhup chao me  MAA k hone jesa kya ?

subha subha hi jane kese wo jaldi udha jati thi 
tefeen banakar deti or school mujhe pochati thi 

meri zidh bhi hoti thi MAA naye khilone laakar de 
uska har din meri nai nai zidh ko sehene jesa kya ?

zindagi ka har dhup chao me  MAA k hone jesa kya ?

meri haar kamiyabi pe wo ghar pe midha magwati thi
midha ek bahana tha wo ghar gali me sab ko batlati 

k mujko ek din aasman me tara banke udhna hai 
meri MAA ki aankho k us bole sapne jesa kya ?

zindagi ka har dhup chao me  MAA k hone jesa kya ?

thak haar k ghar par aa kar wo khana  khub banati thi 
or ser par mere haath pher kar wo man hi man muskaati thi 

achi nokri  milne par uski khushiyo ka koi andaz na tha  
par ghar se dur nikalne par uske chup chup rone jesa kya ?

zindagi ka har dhup chao me  MAA k hone jesa kya ?

milo chalo sansar dekh lo har basti pariwar dekh lo 
choti si pholwari ho ya raja k darbar dekh lo 

har gali ka ek ek pathar bhi ye raag sunane lagta hai
k jannat kahi hai duniya me to maa k kadmo jesa kya ?

zindagi ke har dhup chao me  MAA k hone jesa kya ....?

dekho kya kya rang dikhati hai zindagi

dekho kya kya rang dikhati hai zindagi
Phir uski hamko yaad dilati hai zindagi

Sham o shahar sukoon ki chahat liye hue
Thak haar k phir hamare hi paas aati hai zindagi

Badla meri wafaon ka mujhko nahi mila
Kyun baar baar ye sawal uthati hai zindagi

Kyun mere haq mai koi bhi karta nahi dua
Ro roke mot ko gale lagati hai zindagi

Ae mot apna haal e dil khahena ab fuzool hai
Kab umar bhar ka saath nibhati hai zindagi....!

jane wale se ab meri baat kabhi ho k na ho

jane wale se ab meri baat kabhi ho k na ho
dekhiye khud hi ab se mulakat kabhi ho k na ho

chand taaro k lahu se bana hai kashif
kya khabar sheer me ab raat kabhi ho k na ho

aaj lafzo se saja lejiye mani k mehel
jane phir lafzo ki ye barsaat kabhi ho k na ho

baaz lamho ka main qaidi hu mujhe kya matlab 

din kabhi ho k na ho raat kabhi ho k na ho

kyu bujhate ho mohabbat ki faroza-shama

phir mukadar mein ye sogat kabhi ho k na ho

zindagi maan si rawayo mein guzari sahab
ab meri baat ka atbar ho k na ho

jane wale se meri baat kabhi ho k na ho
dekhiye khud se mulakat kabhi ho k na ho....!

sath roti thi hamare sath hansaa karti thi

sath roti thi hamare sath hansaa karti thi
wohi ek thi jo hamare dil me basa karti thi

hamari chahat ki talabgaar thi woh is kadar
ke wo musalley pe bedhkar milne ki dua karti thi

ek lamhe ka bicharna bhi gawara na tha usey 

rotey rotey wo ham se yehi kaha karti thi

rog dil ka jo laga bethi thi anjaney me wo
hamari aagosh me marney ki dua karti thi

baat kismat ki thi ke ham door ho gaye
warna wo pagli to hamko apni  taqdeer kaha karti thi....!

unse kaho ke milne ki ab dua na kare

unse kaho ke milne ki ab dua na kare
guzar gaye hai jo lamhe unhe haraa na kare

hamain bhi khawb ke sehra me ab nahi rehna
unse kaho ke khawbon se ab wafa na kare

unse kaho agar milay to khuloos o wafa oo k sath
wo darmeyan me koi masla khada na kare

dilon ke dard hamesha hi rastey rehte hai
magar ye dukh ke kabhi ankh inka haq adaa na kare

Khuda gawah hai k unhai dekh kar hi jee rahe hai ham

jo samney to rahe hai magar kabhi gilaa na kare

ham apne naam se hi roshan rahe gay dunya me

unse kaho hamari jaanib kabhi koi diyaa na kare.....!

aao kuch aur karishmay ghazal ke dekhte hai

aao kuch aur karishmay ghazal ke dekhte hai

kashif ab to zara lehja badal ke dekhte hai

judaeyaan to muqaddar hai phir bhi aye jaan-e-safar

kuch aur door zara saath chal ke dekhte hai

tu samnay hai to phir kyon yaqeen aata nahi hamain
ye baar baar kyon ham aankhen mall mall ke dekhte hai

ye kaun log hai moujood tumhari mehfil mein
jo lalichoon se tumhe hamain ko jall ke dekhte hai

 

na tum ko maat huyi hai na ham ko maat huyi 

suno ab ke dono hi chaalen badal ke dekhte hai

ye kaun hai sar-e-saahil ke doobnay walay
samundaroon ki tahon se ucchal ke dekhte hai

abhi talak to na kundan huye na raakh huye
ham apni aag mein har roz jal ke dekhte hai

bohat dinon se nahi hai kuch us ki kher khabar

chalo kashif  aaj qabar chal ke dekhte hai........!

hamein koi gam na tha gam-e-mohabbat se pehle

hamein koi gam na tha gam-e-mohabbat se pehle
na thi dushmani kisi se tumhari dosti se pahle

hai ye hamari badnaseebi is me tumhara kasoor kya hai 
tumhare gam ne maar dala hamein to zindagi  se pehle

mera mehboob jal raha hai aey chaand aaj zara haat jaa
kabhi hamein bhi ki thi mohabbat teri chandni se pehle

ham kabhi na muskuraye hote jo hamine ye ilm hota
k hazaron gam milenge hamein ek khushi se pehle

ye ajeeb imtehaan hoga k tum hi ko bulana hai
mile hi kab the is tarha  ham tumhe de-dili se pehle

hamein koi gam na tha gam-e-mohabbat se pehle
na thi dushmani kisi se tumhari dosti se pehle....!

ye kaisi doori hai hamare beech

ye kaisi doori hai hamare beech
anchahi majboori hai hamare beech

laakh koshishon ko baad bhi na aa sake kareeb
  jase lakhon meel ki doori hai hamare beech

dharkano se dharkano ka gehra rishta hai do dilon ka
phir kyon do jismo ki doori hai hamare beech

saath samundro ka faasla hai hamare milan me
 ya waqt ki kami hai hamare beech

pyar beshumar hai hamare masoom se dilon me
phir kaisi laachaari hai hamare beech

do dilon me duri ka door tak koi nishaa nahi
phir kyon hoti hai aansuo ki barsaat hamare beech

ye kaisi doori hai hamare beech

anchahi majboori hai hamare beech....!

khamosh palkon pe dariya ruka hai abhi

 khamosh palkon pe dariya ruka hai abhi
tumhare intezar me ek lamha ruka hai abhi

sadiyon ka faasla to tay kar liya hum ne
sirf do qadmon ka safar ruka hai abhi

waqt ke dariya pe sawar ho tum ye jaan lo
tumhare pyar ke liye koi shaks ruka hai abhi

aa jao ke zindagi tamaam na ho jaye hamari
badey ehtamaam se maut ko taala hai abhi

sadayein de de ke be-awaz na ho jaoon kahin main
Aa jao laut ke ek jumla meri zuban pe ruka hai abhi…!

karke bewafai wo puchte hai k haal kaisa hai

karke bewafai wo puchte hai k haal kaisa hai

dekho ye andaaz kaisa hai or ye sawaal kaisa hai

wo hamara kabhi tha hi nahi or unka tu na tha
unke yun ruth jaane se malaal ye kaisa hai

har baat bata deti hai wo khamoshi se hamko
aankho me mere yaar ka kamaal ye kaisa hai

sholay jo uth rahe hai bagawat ke aajkal
yeha koi kisi ka nahi ye saal kaisa hai

agar tu nahi qaatil to sharik-e-gunaah to hai
bus hamne tu itna bata chehra tera laal ye kaisa hai

ham to shikaar unke khayalon k hai kashif
wajood me unke ye mohabbat ka jaal kaisa hai.....!

ye dil ka rog ye chahat Allah ye chahat kisi ko na de

 ye dil ka rog ye chahat Allah ye chahat kisi ko na de
buri balaa hai mohabbat Allah ye mohabbat kisi ko na de

ye tadap junoon ye ruswaayiyan, or ye akela pan
qadam qadam pe museebat Allah ye museebat kisi ko na de

agar zaroori hai  bohat zindagi mein ishq magar 

ye jaan-leva zaroorat Allah ye zaroorat kisi ko na de

jo chott tune di hai hamko koi na de tujhko
ye bewafaayi ki aadat Allah ye aadat kisi ko na de....!

ham agar zara jhoom jaye to sharabi na samajhna

  

ham agar zara jhoom jaye to sharabi na samajhna

gir jaye jo sajday me to namazi na samajhna

bus thodha sa behak gaye hai is mohabbat me

jo had se zara sa bhadh jauo to nakara na samajhna

  hamse cheen lee hai khushiyan hamare apno ne

hath jo phailaaon to bhikhari na samajhna

  hamein aata hai ab bhi dosti ka khayal

boht kuch khoya hai ham ne hamein anarri na samajhna

ek naseehat hamari yaad rakhna aye pyare DOST

dosti ko kabhi tum waqt-guzari na samajhna.......!

nahi jo dil me jangha to nazar me hi rehne do

 

 

nahi jo dil me jangha to nazar me hi rehne do

meri hayat ko apne asar me rehne do

koi to khuwab meri raat ka muqambal ho

koi to aks meri chashm-e-tar me rehne do

main apni soch ko teri gali me chor aaya

tum apni yaad ko to mere hunar me rehne do

ye manzilen to kisi aur ka muqaddar hai

mujhe bus apne mohabbet k safar me rehne do

haqiqaten to bohat talkh ho gayi hai

kam se kam mere wajood ko khuwabon k ghar me rehne do....!

roye hai buhat tab ja k zara karaar mila

roye hai buhat tab ja k zara karaar mila
is jahan me kise bhala sacha pyar mila

guzar rahi hai zindagi imtehan ke daur se
ek khatam hua to dusra tayar mila

mere damaan ko khushiyo ka malaal nahi
gham ka khazana jo isko be-shumar mila

woh kam-nasib hai jinhe mehboob mil gaya

ham khush-nasib hai k hamne to unka intezar mila....!

yaad ate hai wo bachpan k din jab tum mujhe khilati thi

yaad ate hai wo bachpan k din jab tum mujhe khilati thi

har bar rone par tum hi to mujhe hasati thi
 

achi neend ke liye naajane kaha kaha se

nayi nayi loria aur kahaniya lati thi
ro padhta hai yeh dil yad karke woh din
jab haatho se apne khana khilati thi
 

teri ungli tham k maine chalna sikha

teri hi aankho se ye sara jhaha dekha.

aaj feer tumhare god me sone ko dil kar raha hai

tumhare hatho se khane ko dil kar raha hai

Yaad aa gaye woh sunhere din
dil aaj bhi us waqt mein jane ko bekrar hai
bas ab yadein hi reh gyi yaad karne ko
bachpan lot ke to aa nhi sakta

tujhe kitna chata hu MAA

tujhe kabhi ye batla hi nhi sajkta
meri har saans tera ehsan hai
jab chahe ise le lena
chod ke na jana kabhi chahe
meri sanse bhi mujhse le lena.....!

Aaj saqi sharaab rehney do

 

Aaj saqi sharaab rehney do

tishnagi k azaab rehney do

poonch daalo na aankho se kajal

kuch to khanjar pe aadab rehney do

tum sanwaro na apni zulfon ko

  hamari halat kharaab rehney do

chaand badal mein acha lagta hai

apne rukh pe naqaab rehney do

un k chehrey ki baat ho jaey aaj to

aaj zikr-e-gulaab rehney do

un ke chehrey ko choom lo kashif

baqi saray sawaab rehney do....!

dard hua to dil se awaz aye MAA

dard hua to dil se awaz aye MAA
Takleef hue to yaad teri aye MA
Jab Sab ne chor diya mutlabi bewafa kahe ke
phir hame tumhare achal ki yaad ayi MAA
 
ham kitne bad naseeb hai
logo se piyaar maanga hamne mile hame sirf tanhai
tum ne bin maange kitna piyaar diya
aur ham teri hi kadar na kar sake MAA
 
bad gumani mein har ek ko hamne seene se lagaya
ye hamari bad naseebi to dheko 
bus tumko hi apne galey se na laagaya MAA
 
duniya ki ranginyon mein kohya raha
bus ek tujh hi ko bhool ke sab ke pecha bhagta raha
teri tanhaiyon mein ek pal bhi tere saath na raha
hamari bad naseeb teri maafi ka kabil bhi na raha
 
jab hosh mein aya to maloom hua ke
koi apna nehi bus tere siwa MAA
 
tumhari goad main sar rakh ke ro ro 
ke mout-e-faryad ki dua ki
MAA na rote rote apni zindagi ki 
apni khushiya bhi hamari naam ki
 
hamne kitne dhuk diye
aur tumne uff tak na ki MAA
tumne kabhi na saath chora
na kabhi kuch kaha hamne tumne MAA
 
ab bus ek khwab hai zindagi ka
beshak kuch mile na mile
ham kuch bane ya na bane
bus ye ek arman hai zindagi ka
 
ham ek dafa tumhari goad main sar rakh so saku MAA
woh sakoon-e-neend pana chahta hoon MAA
bohat dard ho raha hai MAA
apne hathon se mere zakham-e-dard ko mita do MAA
O MAA MERI MAA .......!