phir kisi ki yaad ne hai raat bhar hai jagaya hum ko
kiya saza di hai mohabbat ne khudaya hum ko
din ko aaram hai na raat ko hai chain kabhi
janay kis khaak se khuda ne banaya hum ko
dukh to ye hai k zamane me milay ghair sabhi
jo mila hai wo mila ban k paraya hum ko
jab koi bhi na raha kandha mere ronay ko
ghar ki deewaron ne seenay se lagaya hum ko
yu to umeed-e-wafa tum se nhi hai koi
phir bhi charaghon ki tarah kis ne jalaya hum ko
bewafa zindagi ne jab chor diya hai tanha
mot ne piyar se pehloo me bithaya hum ko
wo diya hu jo mohabbat ne jalaya tha kabhi
gham ki andhi ne subah or shaam bujhaya hum ko.....!
No comments:
Post a Comment