Aag laga kar chali usay aanchal kar do
tum mujhe raat ka jalta howa jangal kar do
chand sa misra akela hai mere kaghaz par
chat pe aajaao or meraa shair mukamal kar do
main tumhen dil ki siyasat ka hunar deta hoon
ab usay dhoop bana do mujhe badal kar do
apne aangan ki udaasi se zara baat karo
neem ke sookhe howe per ko chu ke sandal kar do
tum mujhe chor ke jaaoge to mar jaongay
yu karo jaane se pehle mujhe paagal kar do
No comments:
Post a Comment